Gott samstarf er við leikskóla hverfisins og er markmið þess að stuðla að eðlilegri samfellu skólastiga. Að vori er nemendum elstu deilda leikskólans boðið að vera einn dag í grunnskólanum og fá þá tækifæri til að kynnast nýja skólanum, starfinu þar, starfsfólki  og nemendum.  Þá koma væntanlegir 1. bekkja nemendur einnig með foreldrum sínum í heimsókn að vori og dvelja þá á bókasafni meðan foreldrar funda með kennurum og skólastjórnendum. Að vori fara einnig fram skilafundir milli stjórnenda og kennara leik-og grunnskóla.

Á hverju hausti innritast einnig nemendur í skólann sem ekki hafa verið í leikskólum hverfisins.  Óski forráðamenn væntanlegra nemenda úr öðrum hverfum eftir því að fá að koma í heimsókn er þeim boðið að koma til viðtals á tilgreindum tíma við skólastjórnanda.

 

Að öðru leiti er innritunarferlið í 1. bekk sem hér segir:

• forráðamenn skrá nemendur í skólann á Rafrænni Reykjavík
• í lok maí er boðað til fundar fyrir foreldra og verðandi nemendur og þeir boðaðir sem skráðir eru í skólann á þessum tíma
• skólasetning 1.bekkja fer fram með einstaklingsviðtölum. Foreldrar eru boðaðir bréfleiðis um að mæta með barn sitt í viðtal við væntanlegan umsjónarkennara.
• kynningarfundur fyrir foreldra um skólastarfið í upphafi skólaársins

Hefji nemendur nám í 1. bekk eftir að skólaárið er hafið fara þeir í innritunarviðtal sbr.  móttökuáætlun fyrir nýja nemendur skólans.

Áætlunin nær til nemenda sem eru byrjendur í íslensku og eru nýfluttir til landsins

Áætlunin byggir á eldri útgáfu af móttökuáætlun Austurbæjarskóla og verklagi Velkomin verkefnis

 

1. Þegar óskað er eftir skólavist fyrir erlendan nemanda er:

• Nemandinn er innritaður í skólann í gegnum Rafræna Reykjavík oftar en ekki með aðstoð ritara. Upplýsingar um tungumál og símanúmer foreldris/tengiliðs verða að liggja fyrir.
• Ritari tilkynnir skólastjórnendum og kennara sem ber ábyrgð á móttöku um innritun nemandans, tungumál og símanúmer.

2. Bekkur valinn

• Skólastjórnandi velur bekk fyrir nemanda og upplýsir ritara.
• Ritari tilkynnir umsjónarkennara um væntanlegan nemanda og hvaðan hann er. Samrit sent á kennara sem kenna íslensku sem annað mál.
• Nemandinn hefur ekki skólagöngu fyrr en að loknu móttökuviðtali.
• Kennari sem ber ábyrgð á móttöku tekur við málinu.

3. Undirbúningur móttökuviðtals

• Kennari sem ber ábyrgð á móttöku tekur ákvörðun um hvenær móttökufundur verður.
• Kennari sendir tölvupóst til Íslenskuvers og tilkynnir um fund og væntanlega umsókn.
• Kennari sem ber ábyrgð á móttöku upplýsir ritara um hvenær fundurinn er.
• Ritari pantar túlk.
• Kennari sem ber ábyrgð á móttöku boðar til móttökufundar. Þeir sem boðaðir eru til fundarins eru:
  • Kennari sem ber ábyrgð á móttöku í skólanum,
  • Umsjónarkennari barnsins
  • Skólahjúkrunarfræðingur
  • Tengiliður Velkomin verkefnis frá Þjónustumiðstöð
  • Foreldri og nemandi. Fundarboð símtúlkað með aðstoð ritara.

4. Móttökuviðtalið

• Kennari sem ber ábyrgð á móttöku í skólanum stýrir viðtalinu. Verkefni hans er:
  • Að fara eftir móttökuáætlun skólans þar sem m.a. er aflað bakgrunnsupplýsinga um barnið: Fjölskylduhagi, tungumál talað/töluð heima, fyrri skólagöngu, læsi á vestrænt letur, helstu styrkleika/veikleika nemandans og helstu áhugamál.
  • Skrá helstu atriði á eyðublað
  • Kynna Íslenskuver Austurbæjarskóla og þá þjónustu sem þar er veitt. Þetta á aðeins við sé nemandinn í 3.-10. bekk. Tryggja að foreldrar sæki um og skili umsóknareyðublaði til kennara sem ber ábyrgð á móttöku í lok fundar.
  • Ræða um hlutverk skólaforeldra. Hvernig það er að vera foreldri barns í skólanum (stutt. T.d. geta foreldrar hlustað á barn lesa þrátt fyrir að skilja ekki málið).
  • Veita upplýsingar um hvernig veikindi eru tilkynnt
  • Veita upplýsingar um hvernig óskað er eftir leyfi (sérstakt eyðublað sem foreldrar fá á skrifstofu og þurfa að fylla út)
  • Ræða um foreldrafélag, benda á heimasíðu og segja frá foreldrafræðslu.
  • Ræða um samskiptaleið við foreldra
  • Segja foreldrum frá að skv. aðalnámskrá kennum við trúarbragðafræði í skólanum
  • Skólastjórnendur kynntir
  • Skila eyðublaði úr móttökuviðtali og afriti af umsókn í persónumöppu nemandans.
  • Leggja umsóknina í pósthólf Íslenskuvers og tilkynna Íslenskuveru um að umsókn megi nálgast þar.
• Umsjónarkennari veitir upplýsingar um:
  • Stundatöflu.
  • Skóladagatal (kynna frídaga)
  • Heimanámið
  • Samskiptaleiðir.
  • Íþróttir og sund (þ.m.t. fatnað og reglur um sturtu þegar um er að ræða sund)
  • Hádegismaturinn. Skráning í mötuneyti / nesti (engin sætindi)
  • Fatnaður
  • Skólagögn eru í skóla
• Skólahjúkrunarfræðingur veitir upplýsingar um:
  • Hlutverk sitt sem skólahjúkrunarfræðingur
  • Heilsugæslu hverfisins
  • Bólusetningar og tannlækningaþjónustu
  • Samskiptaleiðir
• Starfsmenn Velkomin verkefnisins frá þjónustumiðstöðinni:
  • Kynna sitt hlutverk
  • Boða til næsta fundar, með korti og tengiliðaupplýsingum.
  • Viðstaddir á næsta fundi eru starfsmenn Þjónustumiðstöðvar, fulltrúi frístundaheimilis/ félagsmiðstöðvar, og fjölskyldan, lögð áhersla á að öll fjölskyldan mæti.
  • Heimsækja frístundaheimili og/ félagsmiðstöð, hitta fulltrúa sem situr næsta fund.

 

• Foreldrar og nemandi
  • Spyrja um það sem þá vanhagar um að vita
  • Vita að loknum fundi hvert þeir geta snúið sér þurfi þau frekari upplýsingar.

5. Tilkynnt um komu nemanda. Hlutverk umsjónarkennara.

• Umsjónarkennari tilkynnir kennurum og öðru starfsfólki sem kemur að bekknum um væntanlegan nemanda. Fari nemandinn í Íslenskuver er greint frá því að hann muni stunda nám þar fyrst um sinn.
• Umsjónarkennari undirbýr bekkinn fyrir komu nýs nemanda og greinir frá því að hann muni fyrst í stað aðeins stunda nám að hluta í bekk.
• Sendir línu heim til foreldra um að nýr nemandi hafi komið í bekkinn.
• Sendir línu á starfsmenn um að nemandinn hafi lokið námi í Íslenskuveri og sé kominn að fullu inn í bekkinn.
• Eftir móttökufund sýnir umsjónarkennari nemanda bekkjarstofu og gengur með nemandanum um skólann jafnvel með aðstoð bekkjarfélaga.

 

Með þessu lýkur því sem snýr að móttöku nemandans hvað skólann varðar.

 

Seinna móttökuviðtal

Samkvæmt verkferli Velkominn verkefnisins er gert ráð fyrir tveimur móttökuviðtölum. Boðun annars fundar er á ábyrgð Þjónustumiðstöðvar VMH og á honum er farið yfir þá almennu þjónustu sem í boði er í hverfinu og félagslega virkni fjölskyldunnar. Þjónustumiðstöð sér um að boða og greiða fyrir túlk. Annar fundur er haldinn í Samfélagshúsum hverfanna til að tengja fjölskylduna inn í starfsemina sem þar fer fram og þau geta nýtt sér sem aðlögun inn í hverfið. Starfsfólk frístundamiðstöðvarinnar segja frá þeirri starfsemi sem fer fram hjá þeim. Til að koma til móts við þarfir allra í fjölskyldunni leggjum við áherslu á að öll fjölskyldan mæti í seinna viðtalið.

Þeir sem eru boðaðir:

• Starfsmenn Velkomin verkefnis í Þjónustumiðstöð
• Fulltrúi frístundamiðstöðvar í hverfi barnsins.
• Öll fjölskyldan.

Samfélagshús:

• Starfsemi Samfélagshúss kynnt.
• Félagsleg virkni kynnt fyrir foreldrum.
• Tenging við virknifulltrúa Samfélagshúsanna.

Fulltrúi frístundaheimilis/ félagsmiðstöðvar:

• Kynnir starfsemi frístundaheimilis/félagsmiðstöðvar
• Segir frá mikilvægi þátttöku í starfi frístundaheimilis/félagsmiðstöðvar
• Aðstoð við skráningu, sérþarfir.
• Hlutverk foreldra barns í frístundastarfi.
• Samskiptaleiðir milli foreldra og frístundar ákveðnar.

 

 Starfsmenn Velkomin verkefnis í Þjónustumiðstöð:

• Hverfið kynnt. Afhentur er bæklingur um þjónustu hverfisins og kort af hverfinu.
• Kynning á Mentor og tungumálatorg
• Hlutverk foreldra barns í grunnskóla.
• Kynning á Rafrænni Reykjavík
  • Aðstoð við skráningu í skólamáltíðir
  • Kynning á nýtingu frístundakorts
• Félagsleg virkni barns. Rætt áhugi á þátttöku í frístundastarfi utan skóla.

Önnur mál og tengingar út í hverfið:

• Ef áhugi er á þátttöku í starfi íþróttafélaga í hverfinu er í boði aðstoð við tengingu í íþróttafélag. Sjá dæmi um verklagsreglur fyrir neðan.
• Skoða möguleika á aðstoð við heimanám.
• Hægt að hafa samband við starfsmann Velkomin verkefnis eftir fundinn ef þörf er á stuðningi við félagslega virkni fjölskyldunnar.

 

Hér er tengill á endurskoðaða áætlun um móttöku barna með annað móðurmál en íslensku í grunnskóla og frístundastarf á vegum Reykjavíkurborgar.

Móttaka nemenda með annað móðurmál er unnin samkvæmt verkferli Velkominn, smellið hér.

Innritun:
– foreldri innritar nemanda í gegnum Rafræn Reykjavík
– foreldri nemanda óskar eftir viðtali við skólastjórnanda vegna komu nemandans í skólann
– ákveðinn tími fyrir móttökuviðtal þar sem foreldri og nemandi mæta

Undirbúningur viðtals:
– skólastjórnandi velur hópa fyrir nemandann í samráði við sérkennara
– umsjónarkennara tilkynnt um væntanlegan nemanda, hvaðan hann er og hvenær móttökuviðtal fer fram
– umsjónarkennari safnar saman þeim gögnum sem nota á í viðtalinu: Skólareglur, innkaupalisti, stundaskrá, upplýsingar um mötuneyti og     nestismál

Móttökuviðtal:
– móttökuviðtalið sitja foreldrar, nemandi, skólastjórnandi, sérkennari, umsjónarkennari og aðrir þeir sem nauðsyn er talin á að sitji viðtalið
– deildarstjóri sérkennslu gerir einstaklingsáætlun ef þarf, í samráði við kennara nemandans
– ákveðið hvenær nemandinn er með sínum árgangi og hvenær í sérkennslu
– annar fundatími ákveðinn að sex til átta vikum liðnum og farið yfir stöðu mála
– umsjónarkennari sér um að tilkynna um komu hans í skólann og koma nauðsynlegum upplýsingum um nemandann til allra þeirra sem koma að   málum hans í skólanum

Umjöllunarefni móttökuviðtals miðast við þarfir nemandans. Dæmi um atriði sem kunna að vera rædd eru:
– stundaskrá nemandans
– íþróttir og sund (ef við á)
– innkaupalistar útskýrðir
– skóladagatal
– símanúmer skólans
– heimasíða og netföng kynnt
– skólareglur og mætingaskylda
– mötuneyti og nestismál kynnt foreldrum
– frístundastarf
– ákveðið hvenær nemandinn byrjar í skólanum
– útskýrt hvert á að snúa sér ef nemanda líður illa í skólanum
– hlutverk foreldra hvað snertir heimanám (ef við á)
– samstarf heimilis og skóla
– Mentor kynntur fyrir foreldrum
– farin kynnisferð um skólann
– námsráðgjafi boðar nemanda til viðtals fljótlega eftir að nemandi hefur nám við skólann
– umsjónarkennari sér um að tilkynna um komu nemandans í skólann og koma nauðsynlegum upplýsingum um nemandann til allra þeirra sem     koma að kennslu hans í skólanum. Umsjónarkennari sendir einnig línu heim til foreldra um að nýr nemandi sé kominn í bekkinn.

Þegar foreldrar hafa tekið ákvörðun um að sækja um skólavist í Austurbæjarskóla innritar foreldri hann  í gegnum Rafræn Reykjavík. Ritari kemur upplýsingum til skólastjórnenda. Ef nemandi innritast eftir að skólastarf hefst að hausti og nemandinn hefur ekki stundað nám í Austurbæjarskóla áður boðar skólastjórnandi til fundar  með nemandanum, foreldri, umsjónarkennara og öðrum þeim sem þurfa þykir.

Undirbúningur viðtals:
– skólastjórnandi velur hópa fyrir nemanda
– umsjónarkennara tilkynnt um væntanlegan nemanda, hvaðan hann er og hvenær móttökuviðtal fer fram
– umsjónarkennari undirbýr nemendur fyrir komu nýs nemanda og tilkynnir jafnframt öðrum kennurum sem kenna honum að hann sé     væntanlegur
– umsjónarkennari safnar saman þeim gögnum sem nota á í viðtalinu: Skólareglur, innkaupalisti, stundaskrá, upplýsingar um mötuneyti og   nestismál

Móttökuviðtal:
Móttökuviðtalið sitja foreldrar, nemandi, skólastjórnandi, umsjónarkennari og aðrir þeir sem nauðsyn er talin á að sitji viðtalið

Fjallað er um:
– stundaskrá nemandans
– íþróttir og sund
– innkaupalistar útskýrðir
– skóladagatal
– símanúmer skólans
– heimasíða og netföng kynnt
– skólareglur og mætingaskylda
– mötuneyti og nestismál kynnt foreldrum
– frístundaheimilið Draumaland kynnt (ef nemandinn er á aldrinum 1.-4.bekk)
– ákveðið hvenær nemandinn byrjar í skólanum
– útskýrt hvert á að snúa sér ef nemanda líður illa í skólanum
– hlutverk foreldra hvað snertir heimanám
– samstarf heimilis og skóla
– Mentor kynntur fyrir foreldrum
– farin kynnisferð um skólann
– námsráðgjafi boðar nemanda til viðtals fljótlega eftir að nemandi hefur nám við skólann
– umsjónarkennari sér um að tilkynna um komu nemandans í skólann og koma nauðsynlegum upplýsingum um nemandann til allra þeirra sem   koma að kennslu hans í skólanum. Umsjónarkennari sendir einnig línu heim til foreldra um að nýr nemandi sé kominn í bekkinn.