Í dag miðvikudaginn 5. október var haldið málþing í tilefni Forvarnardagsins.  Fundarstjóri var Dóra Guðrún Guðmundsdóttir, sviðsstjóri Lýðheilsusviðs hjá Embætti landlæknis. Kristín Jóhannesdóttir, skólastjóri Austurbæjarskóla ásamt nemendum í 9. bekk tóku á móti gestum.

Til máls tóku:

• Forseti Íslands, Hr. Guðni Th. Jóhannesson
• Borgarstjóri, Dagur B. Eggertsson
• Margrét Lilja Guðmundsdóttir, rannsóknarsérfræðingur hjá Rannsóknir og greining.
• Landlæknir, Alma D. Möller.

Að ræðuhöldum loknum lék Hrafnhildur Anna Gunnarsdóttir nemandi í 9. bekk á þverflautu.

Þegar málþinginu hafði verið slitið svöruðu þau Agata Maja Ciszewska, Anna Þórarna Agnarsdóttir, Huginn Ástþórsson, Míó Magnason, Sigrún Æsa Pétursdóttir og Starkaður Björnsson, sem öll eru nemendur í 9. bekk  spurningum fréttamanna.

Lesa má meira um málþingið í Austurbæjarskóla á vefsíðu Embættis forseta Íslands.

Auk þess má nálgast streymi af málþinginu á slóð Forvarnardagsins.