jausturbaer

Hlutverk námsversins er að koma til móts við þá nemendur sem höllum fæti standa námslega.
Umsjónarkennari sækir um og rökstyður aukna aðstoð fyrir nemendur sína á sérstöku eyðublaði vor hvert.
Það ræðst síðan af tímamagni úthlutuðu af Menntasviði og eðli námserfiðleikanna hversu mikla aðstoð nemandinn fær að hausti.
Aðstoð við nemendur fer fram með mismunandi hætti:
með einkakennslu, með kennslu í litlum hópi eða
með því að sérkennari kemur inn í bekk og aðstoðar einstaklinga/hópa þar.

Vandi sumra nemenda er slíkur að þeir þurfa aðstoð árum saman en aðrir þurfa aðstoð í skamman tíma.
Námsgreinar sem nemendur eru einkum aðstoðaðir með eru: lestur, ritun og stærðfræði.

Námsverið hefur til umráða tvær stofur á þriðju hæð, stofur 301 og 302.
Deildarstjóri sérkennslu eru Margrét Ó. Ívarsdóttir og Jason Ívarsson. Sérkennarar eru Halldóra Halldórsdóttir, Kristrún Þórðardóttir og Valgerður Björnsdóttir.
Talmeinafræðingur skólans, Sigríður Ísleifsdóttir, starfar hér á mánudögum.

Til að kanna stöðu nemenda í 1. bekk eru að hausti árvisst lagðar fyrir ákveðnar prófanir:

1. Skimun 6 ára barna (talmeinafræðingur)
2. Tove Krogh teiknipróf
3. Boehm hugtakapróf
4. Hreyfiþroskapróf (íþróttakennarar)
5. Læsi (lestrarkönnun).

2. bekkur
Læsi (lestrarkönnun).

3. bekkur
Talnalykill (stærðfræðikönnun).

Samræmd próf í stærðfræði og íslensku eru lögð fyrir í 4. og 7. bekkjum að hausti.